Juan da Rica (Bilbao, 1979), pintor que vive e traballa en Bilbao. Licenciouse en Belas Artes pola Universidade do País Vasco e, desde entón, realizou numerosas exposicións individuais e colectivas, tanto a nivel nacional como internacional. Recentemente, fichou coa galería Sebastien Adrien de París. A súa pintura caracterízase polas formas sintéticas e as cores planas e saturadas, o que lle confire unha estética tipo cómic, próxima aos plantexamentos da Arte Pop. Xeralmente, aborda os temas desde un punto de vista irónico, e cun marcado carácter lúdico. Espellismos é unha selección de lenzos de pequeno e mediano formato, que percorre o traballo dos últimos catro anos. 

A exposición poderá visitarse desde o 7 de Xullo ata o 4 de Agosto, na Sala Os Catro Gatos en horario de 18 a 21h de martes a venres, e os sábados pola mañán de 11 a 14h. Parte deste exposición pódese ver tamén en A Quinta Parede de Os Catro Gatos, ubicada na Libraría Os Mundos de Carlota, da rúa de san Pedro. Haberá presentación do artista na libraría o vindeiro sábado 7 de  Xullo ás 13h, e posterior inauguración en Os Catro Gatos, ás 21h.